Тойбеков Арман Серикбаевич
Тойбеков Арман Серикбаевич (01.01.1974 ж.) – РАМ қауымдастырылған профессоры.
Бұғандейін "Ұлттық медицина университеті" АҚ (Алматы қ.) № 1 "Ақсай" АҚ университеттік клиникасының басшысы болған.
1992-1998 жылдары С. Асфендияров атындағы Қазақ ұлттық медицина университетінде педиатрия мамандығы бойынша оқыды.
1995-1996 жылдары № 1 қалалық балалар клиникалық ауруханасының күйік және қабылдау бөлімшелерінде медициналық мейіргер болып жұмыс істеді.
1998-2000 жылдары Алматы мемлекеттік дәрігерлерді жетілдіру институтының базасында балалар хирургы мамандығы бойынша клиникалық ординатурада оқыды.
2000 жылдан 2011 жылға дейін балалар хирургы, содан кейін № 1 қалалық балалар клиникалық ауруханасының қабылдау бөлімінің жауапты дәрігері болып жұмыс істеді.
2011 жылы № 1 қалалық балалар клиникалық ауруханасының жоспарлы хирургия бөлімінің меңгерушісі қызметін атқарды.
2003 жылдан бастап толық емес жұмыс күнімен "Ұлттық медицина университеті" АҚ балалар хирургиясы кафедрасының ассистенті, сондай-ақ 2012 жылдан бастап Қазақстан-Ресей медициналық университетінің балалар хирургиясы кафедрасының ассистенті, сол жылы ҚР Оңтүстік өңірі бойынша Республикалық санитарлық авиация орталығының үйлестірушісі болып жұмыс істейді.
2007 жылдан – Қазақстандық эндоскопиялық хирургтар қауымдастығының мүшесі.
2012-2018 жылдары Алматы өңірлік балалар клиникалық ауруханасында директордың орынбасары болып жұмыс істеді.
2017 жылы "денсаулықсақтау" мамандығы бойынша магистр дәрежесін алды.
2018 жылғы ақпанайынан бастап қазіргі уақытқа дейін "Ұлттық медицина университеті" АҚ № 1 "Ақсай" университеттік клиникасының басшысы болып табылады.
Еңбек қызметінің барлық кезеңінде 10 000-нан астам табысты операциялар жасалды, 15-ке жуық жарияланымдар шығарылды, 7 операцияның жаңа әдістері енгізілді.
Балалар хирургиясы бойынша жоғары санатты ала отырып, білім мен дағдыларды үнемі арттырып отырды. 2012 жылы - Алматы мемлекеттік дәрігерлерді жетілдіру институтының РМҚК "Денсаулық сақтау менеджменті" бойынша біліктілігін арттыру. 2013 жылы "Неонатальді хирургия, қарқынды терапия, мейірбике күтімі" циклы бойынша жетілдірілді (РФ ДСМ, Санкт-Петербург қ. "В.Алмазов атындағы жүрек, қан және эндокринология федералды орталығы" федералды мемлекеттік бюджеттік мекемесі).
2015 жылы - "Денсаулық сақтау менеджменті" Еңбек медицинасы институтында "Медициналық ұйымдарды ұлттық аккредиттеуге дайындау" циклы бойынша біліктілікті арттыру.
2018 жылы медициналық туризмді дамыту бойынша біліктілікті арттырудан өтті (Корея, Пусан медициналық университеті), № 1 "Ақсай"университеттік клиникасында Пусан медициналық университетінің госпиталімен бірлесе Халықаралық орталық ашылды.
Әр жылдары Алматы қ. Денсаулық сақтау департаментінің (2007, 2009 жж.), Алматы қ.Бостандық, Наурызбай аудандық филиалының "Нұр-Отан" партиясының басшыларынан, Алматы облысының Денсаулық сақтау басшысы А.Байдуалиевтен, ҚР Денсаулық сақтау министрі Т.Дүйсеновадан балалардың денсаулық сақтау саласына қосқан үлесі үшін грамоталар мен алғыс хаттар алды.
"Отан патриоты" медалімен, "Алтын дәрігер" медалімен, "Медицина саласының үздігі"медалімен марапатталған.
Денсаулық сақтау саласында жұмыс істеген жылдар ішінде таптырмас халықаралық тәжірибе жинақталды. 2011, 2012, 2013 жылдары Литва денсаулық ғылымдары университетінің медицина академиясының Акушерлік және гинекология клиникасы мен дәрігерлерге арналған дағдарыстарды зерттеу орталығы ұйымдастырған "Ана мен баланың өмірін сақтайтын қолдар, тиімді емдеу әдістері және көрсетілетін көмекке жүйелі көзқарас" конференциясына қатысушының сертификаттары, "Premium Consulting" ЖШС "Аурухана басшылығы немесе госпитальдық менеджмент "сертификатыалды, XII Ресей Конгресінің "Педиатрия мен балалар хирургиясындағы инновациялық технологиялар" конференциясына қатысушының сертификаты (Мәскеу қ.) алды.
2019 жылы медицина саласында терең кәсіби білімі және әкімшілік-басқару, ғылыми және ғылыми-педагогикалық қызметтегі жетістіктері бар жоғары білікті маман ретінде Өңірлік Менеджмент Академиясының Төралқасы РАМ қауымдастырылған профессоры академиялық атағын берді.