«Шымбұлақ» тау-шаңғы курорты аумағында Төтенше жағдайлар департаментінің (ТЖД) бастамасымен және ұйымдастыруымен жедел қызмет өкілдері мен альпинистер қауымдастығына арналған базалық жүрек-өкпе реанимациясы (BLS) бойынша оқу-тренинг (мастер-класс) өткізілді. Іс-шара қатысушылардың медициналық қызметтер келгенге дейін төтенше және шұғыл жағдайларда алғашқы көмек көрсетуге дайындық деңгейін арттыруға бағытталды. Оқытуды МЖЖҚ-ның BLS нұсқаушылары Алдабергенова Перизат Тұрсынбекқызы және Шеринов Аслан Ахметұлы жүргізді. Олар сабақтың жоғары кәсіби деңгейде ұйымдастырылғанын, теориялық және практикалық материалдың сапалы әрі түсінікті жеткізілгенін көрсетті. Альпинистер тарапынан жарақаттануға байланысты мәселелерге ерекше қызығушылық танытылды: аяқ-қол сүйектерінің сынуы, бас жарақаттары, оларды анықтау тәсілдері, алғашқы көмек көрсету және зардап шеккендерді дұрыс бекіту жолдары. Сондай-ақ құрысу жағдайлары кезіндегі әрекет ету алгоритмдері жан-жақты түсіндірілді.