Республика сарайында Медицина қызметкері күніне арналған салтанатты іс-шара өтті. Салтанатты жиынға Қазақстан Республикасының Денсаулық сақтау министрі Ақмарал Әлназарова мен Алматы қаласының әкімі Дархан Сатыбалды қатысты. Іс-шара барысында жоғары кәсібилігі, көп жылғы адал еңбегі және денсаулық сақтау саласының дамуына қосқан елеулі үлесі үшін дәрігерлер, мейіргерлер, сала ардагерлері және денсаулық сақтау жүйесінің үздік мамандары марапатталды. Марапатталғандардың қатарында Алматы қаласының Жедел медициналық жәрдем қызметінің №4 қосалқы станциясының меңгерушісі Сергей Степанович Котов та бар. Ол медицина саласындағы көп жылғы мінсіз еңбегі, жоғары кәсібилігі және өз мамандығына адалдығы үшін марапатқа ие болды. Сергей Степановичті лайықты марапатымен шын жүректен құттықтап, зор денсаулық, толайым табыс және адам өмірі мен денсаулығын сақтау жолындағы абыройлы қызметіне жаңа жетістіктер тілейміз.